anthologia Latina 131

Reference basis text: L. Zurli, 2007

Editing of the digital edition: L. Zurli, A. Fassina, 2007

Data insertion and check: A. Fassina

Other sections


Anthologia Latina 131 R (= 120

De Arzugitano †euete†

Praecisae silicis cautibus edite,

Siluestri iuuenis durior arbuto,

Trunco cum stupeas horridior, cupis

Formare propriis carmina uersibus

5

Et metri uariis ludere legibus.

Sed quis te docilem iudicet artium

Quas natura dedit cordis acutior?

Solus ligna dolans fortibus asceis

Et duri resecans robora pectoris

10

Vatem te poterat reddere ligneum,

Qui uaccam trabibus lusit adulteris

Vel qui struxit ecum fraudis Achaicae.

5

In fine v. 5 interrogationis (inde a v.1) signum edd., excepto SB