Aspice ut insignis uacua atria lustrat hirundo! 
Vere nouo maestis late loca questibus implet;
Victum infelicem maerens Philomela sub umbra
Adsiduo resonat cantu miserabile carmen.
5
Causa mali tanti coniunx, thalamique cruenti
Virginis os; notumque, furens quid femina possit.
Hic crudelis amor: crudelis tu quoque, mater;
Infelix puer, atque odium crudele tyranni.
Progeniem paruam curaeque iraeque coquebant,
10
Threicio regi cum iam securus amorum
Coniugis infandae inter deserta ferarum
Fas omne abrumpit, pariterque loquentis ab ore
Decidit exanimis uox ipsa <et> frigida lingua:
Haut impune quidem dementia cepit amantem.
15
Pectore in aduerso saeui monumenta doloris
Fertque refertque soror, crimenque <et> facta tyranni
Sanguis ait. Solidae postquam data copia fandi,
(Vulnera siccabat circum praecordia) "Sanguis,
Accipe" <ait> "uocem", ac saeuo sic pectore fatur:
20
"Heu miserande puer, nunc te fata impia tangunt!"
Regalis inter mensas genitoris et ora
Polluit ore dapes, quidquid solamen humandi est.
Dum genitor nati morsu depascitur artus,
Et soror et coniunx petierunt aethera pinnis.
contact: 