Martialis epigrammata 9, 93

Reference basis text: W. M. Lindsay, 1929

Editing of the digital edition: A. Fusi, 2010

Other sections


Addere quid cessas, puer, immortale Falernum?

      Quadrantem duplica de seniore cado.

Nunc mihi dic, quis erit cui te, Calacisse, deorum

      Sex iubeo cyathos fundere? "Caesar erit".

5

Sutilis aptetur deciens rosa crinibus, ut sit

      Qui posuit sacrae nobile gentis opus.

Nunc bis quina mihi da basia, fiat ut illud

     Nomen ab Odrysio quod deus orbe tulit.

3

Calacisse γ

galacisse β