Martialis epigrammata 8, 57

Reference basis text: W. M. Lindsay, 1929

Editing of the digital edition: A. Fusi, 2010

Other sections


Tres habuit dentes, pariter quos expuit omnes,

      Ad tumulum Picens dum sedet ipse suum;

Collegitque sinu fragmenta nouissima laxi

      Oris et adgesta contumulauit humo.

5

Ossa licet quondam defuncti non legat heres:

      Hoc sibi iam Picens praestitit officium.

1

expuit γ

expulit β