Martialis epigrammata 8, 48

Reference basis text: W. M. Lindsay, 1929

Editing of the digital edition: A. Fusi, 2010

Other sections


Nescit cui dederit Tyriam Crispinus abollam,

      Dum mutat cultus induiturque togam.

Quisquis habes, umeris sua munera redde, precamur:

      Non hoc Crispinus te sed abolla rogat.

5

Non quicumque capit saturatas murice uestes

      Nec nisi deliciis conuenit iste color.

Si te praeda iuuat foedique insania lucri,

     Qua possis melius fallere, sume togam.

8

Qua P Q f γ

quo L