Martialis epigrammata 7, 50

Reference basis text: W. M. Lindsay, 1929

Editing of the digital edition: A. Fusi, 2010

Other sections


Fons dominae, regina loci quo gaudet Ianthis,

      Gloria conspicuae deliciumque domus,

Cum tua tot niueis ornetur ripa ministris

      Et Ganymedeo luceat unda choro:

5

Quid facit Alcides silua sacratus in ista?

     Tam uicina tibi cur tenet antra deus?

Numquid Nympharum notos obseruat amores,

      Tam multi pariter ne rapiantur Hylae?

6

tibi β

tui γ