Martialis epigrammata 6, 66

Reference basis text: W. M. Lindsay, 1929

Editing of the digital edition: A. Fusi, 2010

Other sections


Famae non nimium bonae puellam,

Quales in media sedent Subura,

Vendebat modo praeco Gellianus.

Paruo cum pretio diu liceret,

5

Dum puram cupit approbare cunctis,

Attraxit prope se manu negantem

Et bis terque quaterque basiauit.

Quid profecerit osculo requiris?

Sescentos modo qui dabat negauit.

4

liceret β γ

licerent Gronovius