Martialis epigrammata 5, 44

Reference basis text: W. M. Lindsay, 1929

Editing of the digital edition: A. Fusi, 2009

Other sections


Quid factum est, rogo, quid repente factum,

Ad cenam mihi, Dento, quod uocanti,-

Quis credat? - quater ausus es negare?

Sed nec respicis et fugis sequentem,

5

Quem thermis modo quaerere et theatris

Et conclauibus omnibus solebas.

Sic est, captus es unctiore mensa

Et maior rapuit canem culina.

Iam te, sed cito, cognitum et relictum

10

Cum fastidierit popina diues,

Antiquae uenies ad ossa cenae.