Martialis epigrammata 4, 3

Reference basis text: W. M. Lindsay, 1929

Editing of the digital edition: A. Fusi, 2009

Other sections


Aspice quam densum tacitarum uellus aquarum

      Defluat in uultus Caesaris inque sinus.

Indulget tamen ille Ioui, nec uertice moto

      Concretas pigro frigore ridet aquas,

5

Sidus Hyperborei solitus lassare Bootae

      Et madidis Helicen dissimulare comis.

Quis siccis lasciuit aquis et ab aethere ludit?

      Suspicor has pueri Caesaris esse niues.

7

Quis edd. Gryph.

qui β γ