Martialis epigrammata 2, 40

Reference basis text: W. M. Lindsay, 1929

Editing of the digital edition: A. Fusi, 2009

Other sections


Vri Tongilius male dicitur hemitritaeo.

     Noui hominis fraudes: esurit atque sitit.

Subdola tenduntur crassis nunc retia turdis,

      Hamus et in mullum mittitur atque lupum.

5

Caecuba saccentur quaeque annus coxit Opimi,

     Condantur parco fusca Falerna uitro.

Omnes Tongilium medici iussere lauari:

      O stulti, febrem creditis esse? gula est.

2

fraudes T β

mores γ Cfr. Plaut. cas.783 noui hominum mores maleficos; Truc. 98 noui ego hominum mores