Martialis epigrammata 2, 29

Reference basis text: W. M. Lindsay, 1929

Editing of the digital edition: A. Fusi, 2009

Other sections


Rufe, uides illum subsellia prima terentem,

      Cuius et hinc lucet sardonychata manus

Quaeque Tyron totiens epotauere lacernae

      Et toga non tactas uincere iussa niues,

5

Cuius olet toto pinguis coma Marcelliano

      Et splendent uulso bracchia trita pilo,

Non hesterna sedet lunata lingula planta,

     Coccina non laesum pingit aluta pedem,

Et numerosa linunt stellantem splenia frontem.

10

      Ignoras quid sit? splenia tolle, leges.

1

terentem L f γ

tenentem P Q F