Martialis epigrammata 2, 24

Reference basis text: W. M. Lindsay, 1929

Editing of the digital edition: A. Fusi, 2009

Other sections


Si det iniqua tibi tristem fortuna reatum,

      Squalidus haerebo pallidiorque reo:

Si iubeat patria damnatum excedere terra,

      Per freta, per scopulos exulis ibo comes.

5

Dat tibi diuitias: ecquid sunt ista duorum?

      Das partem? multum est? Candide, das aliquid?

Mecum eris ergo miser: quod si deus ore sereno

      Adnuerit, felix, Candide, solus eris.

5

duorum T β

deorum γ