Martialis epigrammata 1, 2

Reference basis text: W. M. Lindsay, 1929

Editing of the digital edition: A. Fusi, 2009

Other sections


Qui tecum cupis esse meos ubicumque libellos

      Et comites longae quaeris habere uiae,

Hos eme, quos artat breuibus membrana tabellis:

      Scrinia da magnis, me manus una capit.

5

Ne tamen ignores ubi sim uenalis et erres

      Vrbe uagus tota, me duce certus eris:

Libertum docti Lucensis quaere Secundum

     Limina post Pacis Palladiumque forum.

8

om. L P Q