Attendere prego...
Prudentius epilogus

Paris, Bibliothèque Nationale de France, lat. 8084

Milano, Biblioteca Ambrosiana D 36 sup.

Cambridge, Corpus Christi College 223

Durham, Cathedral Library B.IV.9

Leiden, Bibliotheek der Rijksuniversiteit, Burm. Q.3

Montecassino (Frosinone), Archivio e Biblioteca dell'Abbazia 374

Paris, Bibliothèque Nationale de France, lat. 8305

Oxford, Oriel College (in deposito presso la Bodleian Library) 3

Paris, Bibliothèque Nationale de France, lat. 8086

Sankt Gallen, Stiftsbibliothek 136

Bern, Burgerbibliothek (Stadtbibliothek; Bibliotheca Bongarsiana) 264

Città del Vaticano, Biblioteca Apostolica Vaticana, Reg. lat. 321


Epilogus

Inmolat deo patri

Pius, fidelis, innocens, pudicus

Dona conscientiae,

Quibus beata mens abundat intus.

5

Alter et pecuniam

Recidit, unde uictitent egeni.

Nos citos iambicos

Sacramus et rotatiles trochaeos

Sanctitatis indigi

10

Nec ad leuamen pauperum potentes.

Approbat tamen deus

Pedestre carmen et benignus audit.

Multa diuitis domo

Sita est per omnes angulos supellex:

15

Fulget aureus scyfus

Nec aere defit expolita peluis,

Est et olla fictilis

Grauisque et ampla argentea est parabsis,

Sunt eburna quaepiam,

20

Nonnulla quercu sunt cauata et ulmo.

Omne uas fit utile,

Quod est ad usum congruens herilem;

Instruunt enim domum

Vt empta magno, sic parata ligno.

25

Me paterno in atrio

Vt obsoletum uasculum caducis

Christus aptat usibus

Sinitque parte in anguli manere.

Munus ecce fictile

30

Inimus intra regiam salutis.

Attamen uel infimam

Deo obsequellam praestitisse prodest.

Quidquid illud accidit,

Iuuabit ore personasse Christum

35

[Quo regente uiuimus].


x

Scansione eseguita da Pedecerto © 2011 — www.pedecerto.eu